主页 > O彩生活 >Jack:真係吓到掟掣!惊慄Game冷马《Prey》弹得出?

Jack:真係吓到掟掣!惊慄Game冷马《Prey》弹得出?

2020-06-07 906浏览量
Jack:真係吓到掟掣!惊慄Game冷马《Prey》弹得出?

自认有返咁上下打机年资嘅话,对于《Prey》呢只作品应该会觉得耳熟。冇错,呢只作品2006年曾经于Xbox 360同埋PC上出过,喂今次呢集是咪续集?咪咁心急先,等我为大家娓娓道来。

《Prey》之前世

2006年只《Prey》係由Human Head Studios开发,当时只係都同样係一只带有惊吓成份嘅FPS作品,当年就只有PC、Xbox 360、Linux、Mac OS X以及Symbian OS等版本。以当时成绩来讲都唔係差,只不过有玩过嘅香港玩家真係唔多。当时开发商于只Game出咗冇耐就宣布《Prey 2》嘅开发工作已经在进行。但随后由于公司买卖同拼购,《Prey 2》嘅拥有权落入Bethesda Softworks及id Software嘅母公司ZeniMax Media手上,但仍然都係由Human Head Studios负责开发工作。继后成个Project嘅开发就好似跌入Development Hell,不停嘅人事变动令到整个开发进度久久停滞不前。直到2014年10月,当时Bethesda Softworks嘅总裁于澳洲PAX游戏展入面公布《Prey 2》开发已被中止,理由係「水準不达标」。

Jack:真係吓到掟掣!惊慄Game冷马《Prey》弹得出?

◆ 2006年只《Prey》当时都算叫好叫座

转生靠吓

2016年E3,Bethesda Softworks忽然又公布《Prey》嘅Reboot计划,开发工作转去Arkane Studios接手(呢个 Studio嘅母公司就係ZeniMax Media),正正就係今次同大家试玩嘅《Prey》喇。好多人都以为呢只《Prey》即係《Prey 2》,事实并唔係咁。新呢只《Prey》实情係Reboot作,主要都係基于初代《Prey》,再加上一啲原本喺《Prey 2》入面先有嘅元素,大家当佢係一只全新嘅作品或者会更好。

故仔讲你作为主角,以为身处地球,但后来因为一件事件,发觉原来自己其实身处太空站入面,谜之外星生物正在太空站内大开杀戒,同时你发觉自己并非普通人,在你身后隐藏了一个不为人知嘅计划。初初睇Trailer,我就已经觉得只Game好似 《F.E.A.R.》或者係《Dead Space》呢两个经典惊慄射击系列。而当我真係玩,我就更加确定我先前呢种想法係冇错。主角被困喺太空站入面,然后要面对未知外星生物攻击,又要解谜去开唔同嘅门或者机关籍以逃身,真係好鬼《Dead Space》,而且由于资源唔係十分足够,尤其游戏早期,冇咩事真係唔会同嘅外星生物硬碰,有咩都会係「冇咩事我都係走先」咁样。

Jack:真係吓到掟掣!惊慄Game冷马《Prey》弹得出?

◆ 我就觉得《Prey》嘅美术风格同《Dishonored》係有几分相似

Jack:真係吓到掟掣!惊慄Game冷马《Prey》弹得出?

◆ 一开波又係有男女主角俾你拣,初步相信选边个同个故仔发展係冇任何关係

Jack:真係吓到掟掣!惊慄Game冷马《Prey》弹得出?

◆ 谜之外星生物会喺你完全冇为意嘅情况下忽然出现,而且仲会改变形态,移动速度快,一次出四、五只的话强烈建议你唔好同佢哋纠缠,走为上着!

Jack:真係吓到掟掣!惊慄Game冷马《Prey》弹得出?

◆ 总会有唔少尸体出现喺你估唔到嘅地方,就好似呢条鹹鱼咁,行过举头望到真係俾佢吓一吓!

Console版有辣有唔辣

作为一只FPS作品,枪当然係重点之一,同时间你可以装备三件武器,通过武器轮可以作出配置及选择,呢方面同唔少时下流行嘅FPS冇太大分别。而我玩嘅係PS4版,操作上都唔算话有咩问题。通过搜集到升级用嘅元素,就可以帮自己嘅能力升级。同时枪亦可以透过原材料去进行升级。值得一讚係只 Game 有一个功能係可以将睇嚟完全冇用嘅垃圾如果皮、烟蒂甚至係废纸等通过回收解体而变成用来升级用嘅原材料,成件事好鬼死环保!所以,一路行一路记得去摷下啲柜甚至係垃圾桶喇,件件都係宝呀!

整体操作上,我觉得Console版都唔难玩,唯独Hack入工作站呢一段有啲难搞。武器轮呢个设定唔难明,但好容易会用咗个急救箱;另外有啲地方需要你长按正方掣,但 Call 武器轮就只係按一下正方,所以好多时会按错,呢方面大家玩时要注意。最后要提一提就係:记得开声玩,最好带有环绕声嘅耳机玩,正到爆呀!

Jack:真係吓到掟掣!惊慄Game冷马《Prey》弹得出?

◆ 呢个武器轮嘅系统已经有好多Game用,相信大家都唔会觉得陌生

Jack:真係吓到掟掣!惊慄Game冷马《Prey》弹得出?

◆ 经过啲尸体、垃圾桶等记得走埋去Check下有冇嘢执,垃圾都要拎,因为可以回收变成有用嘅升级用素材

Jack:真係吓到掟掣!惊慄Game冷马《Prey》弹得出?

◆ 一开始只得呢支泡泡枪,话可以放啲泡出嚟封住啲怪,但我升咗佢级都唔觉好好用,查实係有啲后悔

Jack:真係吓到掟掣!惊慄Game冷马《Prey》弹得出?

◆ Hack入工作站其实係一个Mini-Game,用手掣我觉得係难玩,用Mouse应该会易好多

Jack:真係吓到掟掣!惊慄Game冷马《Prey》弹得出?

◆ 透过升级自身能力,唔单只可以解开隐藏能力,更可以强化自身体能

总结

好似自《Resident VII:Biohazard》出街之后,呢一期都有几只恐怖Game俾大家玩下,同期有《Outlast 2》亦都OK好卖,《Prey》最后都冇叫人失望(或者大家冇咩期望?),要营造出恐怖气氛,其实都不下几个要素:出奇不意、不确定、不安全感,只要在环境上花一点时间就可以做到,呢三方面《Prey》真係做到嗰份恐怖感,有几次我真係吓到要掟掣兼爆粗,你可以话我细胆,我认呀,咁点吖?玩恐怖Game就係想咁之嘛!

游戏开发:Arkane Studios

游戏发行:Bethesda Softworks

游戏类型:FPS

游戏平台:PC / PS4 / Xbox One

游戏人数:1人

游戏售价:$468

推出日期:已推出

游戏网页

上一篇: 下一篇:
申博太阳城_佰盈彩票app下载|提供美食资讯|提供生活资讯|网站地图 申博sunbet娱乐官网 申博sunbet娱乐