主页 > 各类新闻 >Jack:有XB1可以一试冷门《Halo Wars 2》值得

Jack:有XB1可以一试冷门《Halo Wars 2》值得

2020-06-07 419浏览量
Jack:有XB1可以一试冷门《Halo Wars 2》值得

今次同大家介绍嘅《Halo Wars 2》,可以讲係近期一只冷门作品,唔单只因为佢係Xbox One与PC作品,亦因为佢係近来少见嘅即时策略游戏,仲要个画面好靓添喎!

突如其来嘅续作

《Halo Wars 2》係2009年发表嘅《Halo Wars》嘅续作,不过两者嘅故仔并冇太大关係。回想当年出《Halo Wars》都令我觉得Microsoft真係有Guts,够胆将一只RTS(Real Tine Strategic,即时战略)游戏放上Console,结果亦一如我预期,败死收场。死因唔在于游戏内容(虽然用《Halo》作为主题已注定于亚洲区係唔会有收视),而係在于个操作。当时连《Command & Conquer 3:Tiberium Wars》都有出Console版,同样都係以惨死作结局,原因就在于呢类型游戏改于Console上玩真係唔Work。《Halo Wars》推出后,属于Microsoft子公司嘅开发厂商Ensemble Studios被Microsoft解散,好多人都以为《Halo Wars》唔会有续作。点知于2015年嘅Gamescom,Microsoft宣布推出《Halo Wars 2》,只Game更由SEGA旗下嘅The Creative Assembly负责製作,343 Industries作支援,沿用返《Halo Wars》嘅RTS玩法,重点係支援Xbox One及PC,唔通微软真係见过鬼都唔怕黑?

Jack:有XB1可以一试冷门《Halo Wars 2》值得

◆ Microsoft力推Xbox One版,仲出埋同捆版Xbox One主机添,但我喺街又唔见有得卖,可能要去啲大型连锁店先有。

Jack:有XB1可以一试冷门《Halo Wars 2》值得

◆ 《Halo Wars 2》以传统RTS上帝视点进行游戏,考你统率力同埋应变力。

Console VS. RTS

如果你未接触过呢个系列作品,或者我用少少时间介绍返。《Halo Wars》就係一只同《Command & Conquer》或者《StarCraft》系列同类型嘅RTS游戏,简单嚟讲就係于地图入面某一个位置建立基地,然后通过收集唔同资源去生产战斗单位或者扩展基地功能,而单位本身亦可以用资源去升级能力。到咁上下你可以指挥所属嘅作战单位对对手进行攻击。由于每一种战斗单位都有其优劣,而且亦相生相剋,所以要编成混合部队,或者係人手指派唔同部队应对唔同敌人。我作为一个《C&C》嘅Fans,玩《Halo Wars 2》时真係好难唔会将两者拉埋嚟比。操作上,我指PC版,两只Game极相近,而我坚係觉得呢类Game根本唔适合用手掣玩,始终手掣嘅按钮组合点都唔够键盘咁丰富同灵活,再加上有滑鼠及一众Shortcut嘅帮助,操上係一定係比用手掣快好多,所以如果你係用手掣玩嘅话,我劝你都係唔使上网同人PvP架喇,万一俾你对住个PC版嘅玩家你真係九成九会输。

Jack:有XB1可以一试冷门《Halo Wars 2》值得

◆ 游戏入面,所有战斗单位都係相生相剋,就好似战车对人好好用,但当有飞机或重战车出现就会输得好快;飞行单位亦都唔係无敌,人仔同埋对空导弹係好有杀伤力。

Jack:有XB1可以一试冷门《Halo Wars 2》值得

◆ 透过升级建筑,唔单只可以扩展基地嘅能力,仲会开解开战斗单位嘅升级。

好靓呀!

其实只Game有冇故仔架呢?当然係有,个故仔就係以《Halo》系列作为蓝本,以星盟同UNSC之间嘅战争为主线,另外再加上新嘅外星势力「Banished」,形成更加大嘅世界观。如果你冇玩开《Halo》系列咁係唔係可以Skip呢只Game呢?我会答你唔係,你大可以当佢係一个全世嘅故仔,反正同前作关係又唔算多。我想讲成只Game做得最正一定係佢嘅过场同埋故事交代CG,真係好靓!绝对媲美荷里活级数。

Jack:有XB1可以一试冷门《Halo Wars 2》值得
Jack:有XB1可以一试冷门《Halo Wars 2》值得
Jack:有XB1可以一试冷门《Halo Wars 2》值得
Jack:有XB1可以一试冷门《Halo Wars 2》值得

一夫当关真英雄

讲到英雄,又令我想起另一只RTS游戏《StarCraft II》,点解呢?因为两者都有英雄呢个战斗单位。英雄基本上等于一个中队嘅实力,唔只单拥有护甲,更有比普通士兵更强嘅防守力及攻击力,而且唔同英雄都有自己独特能力,例如有啲就可以骑劫敌人载具据为己用。英雄拥有左右战区嘅能力,不过单凭一个英雄係冇可能打赢场仗嘅,所以都係好好利用手上资源执好队兵仲实际。

Jack:有XB1可以一试冷门《Halo Wars 2》值得

◆ Master Chief都有登场?

多人模式有惊喜

正如上文所讲,《Halo Wars 2》除单人故事外,亦有网上对战模式。从6人互片、单人对A.I.又或者玩家之间合作攻略都有。另外因应返《Halo》系列保留有Stronghold及Domination呢两个多人模式,其实即係守住地图上嘅点咁啰。我反而想讲下佢个Blitz模式,呢个模式係用卡牌来玩,简单嚟讲就係将所有元素变晒卡牌,基地係一张卡,唔同资源又会係唔同嘅卡,就连战斗单位都係一张张卡,呢个玩法我觉得几好玩,而且仲有合作及对战玩法,算唔算一鸡两味?

Jack:有XB1可以一试冷门《Halo Wars 2》值得

◆ 除单人模式外,本作仲有几个唔同玩法嘅多人互片或合作模式等大家嚟挑战。

Jack:有XB1可以一试冷门《Halo Wars 2》值得

◆ Blitz係我觉得几得意嘅线上玩法,将所有事转晒做卡片,会燃起你嗰阵储卡嘅火。

Jack:有XB1可以一试冷门《Halo Wars 2》值得

◆ 每张卡都有唔同能力,你可以俾钱买,又或者打唔同Mission打返嚟。

合RTS新手

当初知道由Creative Assembly接手呢只Game係有啲期望,因为呢个Studio最响朵嘅作品就係《Total War》系列,呢个系列又係RTS游戏,所以直觉话我知《Halo Wars 2》都会好正。最后出嚟有冇失望?冇,但又未去到令我觉得佢係神作,离完美仲有好远,不过呢期想玩RTS新Game嘅话,呢只可以讲係唯一选择,再加上支援Xbox Anywhere,Xbox One与PC通用(恳请大家唔好试Console版,真係唔好玩自己),只Game亦又唔算大咬,闷闷哋都话绝对可以一试。如果你係RTS新手,咁不妨将本作作为入门,因为本作唔算难玩,操作(PC上)容易顺手,係易入口嘅。不过谂返呢个2月及3月,一堆超人气超待望新Game係咁出,再加多部任天堂Switch新机,究竟仲有几多人有留意到《Halo Wars 2》都係一个疑问。

SPEC

游戏开发:Creative Assembly / 343 Industries

游戏发行:Microsoft Studios

游戏类型:即时战略

游戏平台:PC / Xbox One

游戏人数:1

游戏售价:$419(标準版)

     $559(终极版)

推出日期:已推出

游戏网页

上一篇: 下一篇:
申博太阳城_佰盈彩票app下载|提供美食资讯|提供生活资讯|网站地图 申博官网备用网址_申博官网赌场 申博官网备用网址_申博官网管理网